Det er jo livsfarlig å bo på Island

Þetta sagði við mig Norðmaður eftir að hafa horft á kvikmynd um gosið í Heimaey. Ég hélt það nú enda hefur enginn lifað það af hingað til.

Hvað sem segja má um friðlýsingu Geysis svæðisins þá er ljóst að ferðamenn á Íslandi eru ekki verndaðir fyrir náttúrunni og verða það aldrei. Það verður aldrei hægt að koma upp skiltum við hvern einasta hver um að vatnið sé heitt og geti brennt mann. Ekki heldur að óbeisluð Atlantshafsaldan við Suðurströndina getur hirt þá sem álpast út í, eða að brattlendi geti reynzt hættulegt o.s.frv. 

Eitt skilti á Keflavíkurflugvelli gæti þó gert sitt gagn og varað ferðamenn við landinu og náttúru þess!

Geysir ekki verndaður

Athugasemdir

[Einar Steinsson, 12.3.2009 kl. 16:31]

Ég ók með ferðamenn um Ísland í 13 sumur, byrjaði 1987 þegar voru fá skilti eða girðingar og lítið af alvöru göngustígum. Vissulega urðu smá óhöpp, það alvarlegasta sem skeði hjá því fólki sem var með mér var slæmt fall af hesti (kannski við ætum að malbika þær skaðræðisskepnur og setja upp skilti). Staðreyndin er að fólk slasast frekar þegar það er í frí heldur en í dags daglega lífinu líklega vegna þess að fólk er í aðstæðum sem það þekkir ekki. Íslendingar slasa sig líka þegar þeir fara í frí erlendis, ég hef sjálfur meitt mig í fríi erlendis vegna eigin klaufaskapar. Og það er einmitt málið, það er sama hvað sett er upp mikið af skiltum og girðingum það er alltaf á ábyrgð manns sjálfs að passa sig. Ferðamenn eru fullorðið fólk en ekki óvitar og eiga að geta tekið ábyrgð á sér sjálfir.