Ísland er á norðurhveli

Það virðist gleymast hjá þessu ágæta fólki úr heilbrigðisgeiranum að Ísland er norðar en öll önnur sjálfstæð ríki. Aðeins Grænland er oðrðar. Þetta veldur því að nú er myrkur þegar flestir fara til vinnu og eða skóla og myrkur líka þegar haldið er heim. Þetta kemur til með að ágerast fram undir jól og haldast út skammdegið. Þær ransóknir em stuðzt er við hafa væntanlega verið gerðar erlendis og þar er ekki nærri svona mikill munur birtu sumars og vetrar. Þótt töluverður mannfjöldi eigi heima í t.d. Norður-Skandinavíu er það óverulegur hluti þeirra þjóða.

Ef klukkunni yrði seinkað myndi fylgja því að taka þyrfti upp smartíma (þ. e. á sumrin yrði klukkan stillt eins og núna). Þessu fylgir að breyta þyrfti klukkunni haust og vor eins og var gert hér á landi í áratugi og kallað "klukkuruglið". Árið 1968 þegar því var hætt (löngu á eftir öllum öðrum löndum) var fólk ákaflega fegið að vera laus við þetta rugl. Þetta var svo tekið upp víða annars staðar í olíukreppunni á áttunda áratugnum. Okkur nægði að hafa sumartíma, þvi að á veturna er dimmt hvort eð er og engin ástæða til þess að hringla með klukkuna tvisvar á ári.

 

Mjög brýnt að seinka klukkunni

Athugasemdir

[Sindri Karl Sigurðsson, 27.11.2014 kl. 22:45]

Engin ástæða til að hringla með klukkuna tvisvar á ári. En það er ekkert verið að tala um það er það? Einungis að stilla klukkuna á réttan tíma miðað við afstöðu sólar. Fyrirtæki og einstaklingar geta þá einfaldlega valið að hafa vinnutíma frá 07:00 til 15:00 frá maí til október og þess á milli 08:00 til 16:00, ekki satt.

Þett er ekkert flókið, nema fyrir þá sem geta ekki breytt hlutunum.

[Jóhannes (IP-tala skráð) 27.11.2014 kl. 22:52]

Skrifstofa Alþingis er búin að vera með sumar og vetrartíma í mörg ár, þeir opna og loka klukkutíma fyrr eða seinna eftir því hvort það er sumar eða vetur.

[corvus corax, 27.11.2014 kl. 22:54]

Að sjálfsögðu á klukkan að endurspegla réttan staðartíma og svo á ekkert að vera að hringla með sumar- og vetrartíma. Hafa bara klukkuna alltaf á sínum rétta staðartíma.

[Andrés.si, 28.11.2014 kl. 00:30]

Ástæða erlendis vegna klukku seinkun er af rúsnesku uppruna. Get ekki sagt en mér minnir að um 1938 eða seinna hafa þeir farið að flyta klukku vegna sparnað í orku máli. Eftir á hermði EB eða hvað þá hét eftir Russum. Júgóslavía flutti klukku sem fyrsta kröfu vegna aðlögun í EB sem seinna aldrei hefur gerst.  

þannig er það að bakvíð þessu er sparnaður sem á íslensku mælikvæðri gerist ekki mikið því hér fer fram raf orku sparnaður í sumar.

[Guðmundur (IP-tala skráð) 28.11.2014 kl. 00:41]

Ætli birtumunur sumars og veturs hafi ekki talsvert meiri áhrif á geðheilsu landans heldur en þessi klukkutíma munur á sólstöðutíma. Mig grunar líka að fleiri vilji nýta birtu lengur fram á kvöld t.d. til tómstundaiðju og mæta þá frekar til vinnu í myrkri. 

[Hannes (IP-tala skráð) 28.11.2014 kl. 00:53]

Kanski ég hafi mist af einhverju í fréttinni en hver er að tala um sumar og vetrartíma? Ég skil greininna þannig að Ísland er í öðru tímabelti en klukkan gefur til kinna og að það væri gott fyrir heilsu okkar að leiðrétta það.

Grænland er bæði norðar og sunnar en Ísland. Noregur, Svíþjóð, Finnland, Rússland, Kanada og USA (Alaska) eru einnig lönd sem uppfylla þau skilyrði.