Hvað veit Borg sem við vitum ekki?

Hvaðan hefur Borg það að um sé að ræða skuldbindingar íslenzkra skattgreiðenda? Hvernig gerðist það að skuldir einkaaðila urðu skuldir ríkisins? Er það eitthvað sem Borg veit en ekki við, sauðsvartur íslenzkur almenningu? Hvernig væri að blaðamenn spyrðu svona pótintáta um það hvað þeir hafa fyrir sér í því að um skuldir ríkisins sé að ræða? Þau lögfræðiálit sem fram hafa komið eru öll sammála um það að þetta sé rangt hjá Borg. Skuldir einkaaðila verði ekki sjálfkrafa ríkisskuldir. Bretar greiddu innistæðueigendum og sendu reikninginn á íslenzka skattgreiðendur. Vill sænski fjármálaráðherrann að kaupin gangi svona á eyrinni? Ætlar hann að greiða hvað sem er af skuldum sænskra einkaðila út um allan heim ef einhverri ríkisstjórn einhvers staðar dettur í hug að senda honum reikninginn?

Borg vísar gagnrýni Össurar á bug

Athugasemdir

[Ómar Bjarki Kristjánsson, 12.3.2010 kl. 15:08]

Borg er bara að segja þaðsem allur heimurinn er sammála um !  Öll ríki heimsins og öll sjálfstjórnarsvæði.  Meir að segja Færeyingum dettur ekki í hug að taka undir "borgum ekki" vitleysuna - enda eru Færeyingar vandir að virðingu sinni !

Ísl. ber lagalega og siðferðilega ábyrgð og skyldu til að endurgreiða B&H lánið sem nefd ríki voru svo vinsamlega að  lána ísl. svo landið gæti staðið undir og axlað sínar alþjóðlegu skuldbindingar.  Lagaleg skylda er kistalskýr og um hana eru allir sammála - nema einhverjir 2-3 Njálulögspekingar.   Siðferðilega hliðin svo ljót að ólýsanleg er !

Þessi fíflagangur er búinn að stórskaða landið og þjóðina bæði efnahagslega og orðspor landsns er í rúst !  Vegna fíflagangsins.

Beinn efnhagslegur skaði hefur verið metinn 75 milljarðar á mánuði og þá er eftir að reikan beinann skaða sem felst í stórlöskuðu orðspori.